不經不覺經已踏入五月，有部份汽車代理商，手頭上重有剩餘少量2001年製嘅新車的話，都會以優惠價盡求去貨。當中亞Mark認為至有號召力，會係福士嘅Beetle1.8T型號，聽聞代理將車價折讓3萬，由原來22萬8千減到19萬8千，兼且重送你一噸汽油㖭！以Beetle1.8T嘅造型同性能表現，既時尚又合乎日常代步需要，兼且起跑加速重有一份爆炸力㖭！其次，佢哋嗰款至Top高性能房車版嘅Passat2.8V64Motion，亦由原來34萬9千減至31萬9千，而且亦送你兩噸汽油。以Passat豪華嘅轎車包裝，重有一套恒式四驅嘅4Motion系統配搭，坐得舒適之餘，重有多一份安全可靠感噃！有興趣嘅朋友，就真係要行快一步喇！