黃子華舊愛劉婉君上月宣布已跟任職廣告界的男友Bosco訂婚，她昨日表示正忙於籌備婚事，準備在明年一月在港註冊結婚，並會到法國度蜜月，她謂自幼的心願是可以跟最愛的人登上巴黎的艾菲爾鐵塔。
黃子華舊愛劉婉君及吳文忻、翟佩雲、張綺桐和關寶慧等，昨日在尖沙嘴出席「健麗堡纖體健膚科技中心」的開幕酒會。劉婉君昨日表示跟拍拖數月的廣告界男友Bosco，明年一月在港註冊結婚。
劉婉君說：「訂咗喺明年一月（結婚），我會喺香港註冊，𠵱家好多嘢都籌備緊。」屆時可會邀請舊愛黃子華飲喜酒？她說：「我乜嘢朋友都會請，邊個得閒都可以嚟。我個個朋友都會派帖。」
問劉婉君黃子華可有致電恭賀她？她說：「大家都好忙，可能冇時間，我近日都不停問朋友辦婚事啲嘢，我可能會分幾日擺酒，之後會去巴黎同歐洲度蜜月。」
劉婉君續說：「我細個嘅心願係可以同心愛嘅人去巴黎嘅艾菲爾鐵塔，雖然以前都同家人去過，但係我度蜜月都想再去，我以前都未試過同任何一個男友去。」
此外，吳文忻昨日出席活動時得到利是和揼骨贊助，她說：「我係骨精嚟㗎，因為膊頭有事，已揼咗幾年骨。不過我現任男友唔鍾意揼骨，所以冇機會享受我嘅揼骨服務。」
採訪：王崇穎
攝影：林德雄