近日鬧得熱哄哄的豬肉糾紛，不時有個「二撇雞」向各大傳媒釋解糾紛的來龍去脈，他原名叫許偉堅，多年來行家習慣叫他許堅，便索性將這個名字印在卡片上，他在活豬行業打滾了三十九年，兒子現時做活豬買手，女兒則協助打理肉檔，許堅日日食豬肉，家中五頭狗亦吃免治瘦肉，他笑稱：「豬養活我哋一家人！」
現年五十一歲的許堅，父親是中國武術教頭，他七歲起便隨父習武，小學畢業後無心向學，在師兄介紹下入行做助理活豬買手。「人哋話『豬肉佬肥騰騰，豬欄佬臭崩崩』，我兩樣都做過，初入行嗰時都覺得幾難頂！」年輕時長得「細粒」的許堅，記得有次趕十多頭豬入屠房時，豬群忽然發難向他衝過來，在毫無心理準備下給撞倒地上，十多頭豬從背部踩過，弄得他周身疼痛兼滿身豬屎。
至於豬肉糾紛中的五豐行，是本港內地活豬最大入口商，許堅坦言對其又愛又恨。「愛呢，係因為佢提供豬畀我做生意；恨呢，係因為五豐行嘅買豬制度成日變！」
他憶述七十年代，五豐行實施買手排隊制，許堅每日凌晨三時許到達屠房霸頭位，一開閘便衝入內用箱頭筆在看中的靚豬身上畫記號，往往因此與行家爭執，「有時候兩個買手同一時間畫記號，咁咪因為爭豬成日打交囉！」
至於豬隻批發價，亦由五豐行操控，九七年試過由六百五十元一擔豬肉暴升至一千二百元，令豬肉零售價亦上調至三十四元一斤，去年亦不理本港經濟差，將劏豬費由每隻一百三十元增至一百三十四元。說到這裏，許堅不禁面有慍色，「啲價錢話加就加，話減就減，諗諗吓都係恨佢（五豐行）多啲！」
許堅一直在這行奮鬥，八十年代有二十個肉商聘作買手，當年贏得金牌買手美譽。
而市民到肉檔買肉，許堅表示，只要豬肉色澤鮮明，已是新鮮保證。這位金牌買手多年來幾乎無豬肉不歡，他認為豬肉多個部份均十分好食，而他最愛吃蒸排骨。
今次糾紛，他希望下周二可在立法會特別會議解決，不想破壞與五豐行多年關係，對於早前堵塞百佳凍倉，許堅坦言：「要進行抗爭，要表達一種姿態，有時唔能夠話合理定唔合理！」但他不希望這種場面再現。
記者：簡慧茵