麗新集團主席林百欣（林伯）與女兒林明珠及三姨太顧瑞英名下的高發發展有限公司，日前遭恒生銀行入稟追討一億五千萬元欠款。林伯昨日接受電話訪問時直斥女兒是無賴，更不會負擔由他作擔保人的恒生銀行欠款，連帶他借出的逾十億元，亦會向女兒追討。
麗新集團主席林百欣（林伯）與女兒林明珠（Pearl）及三姨太顧瑞英名下的高發發展有限公司，日前遭恒生銀行入稟追討一億五千萬元的欠款，林伯更是該借貸的擔保人。
林伯昨日接受電話訪問時表示，其實他在這數年間，合共借了近十億元給女兒做生意，但她至今連利息亦未清還，林伯表示決定採取法律行動，向女兒追討欠款。
林伯昨日在電話中說：「我都聯絡唔到阿Pearl兩母女，佢兩個都唔接電話，咁我可以點呀？碰着個賴貓嘅，我都冇晒法子，佢（指林明珠）咁搞，將來實好大問題。」
問林伯現在恒生銀行入稟向他與女兒追討欠款，他說：「銀行咁樣做好啱，佢（指林明珠）重係唔理，我都告埋佢呀，唔係咪又係我上身，借錢要還係好公道嘅事。」
問林伯會否代女兒還債？他說：「佢借就佢還，我唔會幫佢還嘅，佢人又喺度，屋又喺度，我相信佢一定要出嚟搞清楚件事，呢幾日會有結果㗎啦。」林伯續表示相信女兒絕對有能力還錢，他說：「佢將啲錢喺上海投資『芝大廈』，𠵱家啲樓都起好晒，又租晒出去。以我所知，回報重唔錯㖭，佢連利息都唔還，人哋（銀行）梗係告佢啦。」
林伯又表示多年來共借出逾十億元予女兒，問他在「芝大廈」是否佔有股份？林伯說：「我完全唔知，個女就話我有一個巴仙股份，我唔知真定假㗎，我信佢㗎咋。」至於林明珠，至截稿前，仍未能與她聯絡上。