香港大學圖書館噚晚慶祝藏書二百萬冊，由陳方安生呢位老校友出任嘉賓。陳太話自六二年畢業後，就無再踏足港大圖書館，但退休後多咗時間，會去睇吓書。陳太噚日被問及徐立之被推薦當港大校長的意見時，陳太話唔認識佢，但港大校長等咗成年終於有人選，作為校友嘅佢話：「當然好開心啦！」
講開大學，陳太話自己遲啲會去美國康涅狄格州一間大學演講，睇嚟陳太真係好受大學歡迎。至於嚟緊嘅母親節，陳太話會陪媽咪同一大班兒孫去食晏，至於會唔會送禮物，佢就話無諗到：「唔係一定要送禮嘅。」
（圖）陳太到港大任嘉賓，深受在場中學生歡迎。
E-mail：