向來密密實實形象高貴的郭羨妮，罕有地替《HIM》雜誌影了一輯噴血紅色三點式泳衣照。郭羨妮表示自己影泳衣相只是偶一為之，只是讓大家知道，自己除了有清純的一面之外，亦有性感的一面。
平日以高貴大方形象見稱的郭羨妮，最近替《HIM》雜誌拍攝了一輯火辣辣的紅色三點式泳衣照，雖然郭羨妮在泳衣外披上一件黑色外套，但性感程度足以叫人噴血，亦證明郭羨妮確實是有料之人。
雖然拍攝當日天氣比較涼，不時有大風吹過，鏡頭內的郭羨妮性感撩人，但鏡頭之外，郭羨妮卻要抵冷。
郭羨妮透露自己平日大多會到泳池游水，泳衣方面亦只挑選較密實的款式，今次她在泳池為雜誌拍攝泳衣照，大家才有機會一睹穿上誘人泳裝的郭羨妮。早前羅兆輝曾表示郭羨妮是他心目中的女神，不知他看到伊人這輯性感照片時會否鼻血狂流呢？
郭羨妮認為這輯泳衣照不算性感，她昨日在電話訪問中說：「其實我替雜誌影相總共着咗三套衫，呢套泳衣唔算好性感啫，出面重加咗件黑色外套，參加港姐時着嘅泳衣咪重性感。」
郭羨妮強調自己並不是想刻意走性感路線，只是想給大家一些新鮮感，她說：「我唔會刻意去行性感路線，但我亦想畀人知道，我除咗有清純嘅一面之外，亦可以性感，可以畀到人唔同嘅感覺。今次我影泳衣相，亦係難得一次，偶一為之啫。」
影性感照之前必定要努力喼住身形，郭羨妮透露自己最近都很勤力喼弗，她說：「影相嗰日，有人喺附近食零食，搞到我都唔敢行埋去，我驚自己忍唔住攞啲嘢嚟食，咁影相出嚟有肚腩就唔好睇啦！」
採訪：楊潔雯