已經多年沒有出席公開場合的舖王鄧成波，昨日罕有地出席中原舖位部新址開幕禮，並送上花籃道賀，出錢又出力。
面對傳媒朋友更大派卡片，又表示有任何問題，隨時可以致電，定會回覆，為人隨和的「波叔」，難怪經紀都樂意為他效勞。
以「零首期」作招徠嘅深水埗普陞閣，拆售兩個禮拜已售出八成，美聯羅國安透露，最近一名內地大學教授入市，因太太係香港中學教師，外家住深水埗，所以就響呢區搵樓，用「零首期」買咗高層D單位，面積535方呎，呎價約2243元。羅國安重話，曾經有日港夫婦睇樓，但冇入市。
太古響鰂魚涌太古城嘅維景灣畔三期示範單位，啱啱趕起，噚日率先開放畀傳媒睇，其中一個以活力為賣點，針對單身一族同年輕夫婦，小朋友房間色彩亮麗。
太古馬淑貞話係因應佢囡囡嘅年歲而設計，舊年二期嘅時候囡囡啱啱出世，今年已經1歲大，所以設計都「與時並進」，同二期有啲唔同。
蘭西