由王菲御用形象指導TitiKwan與徐濠縈合作投資的雜誌《SHOWER》，去年九月中創刊，距今八個月，於本月底推出第二期，主題名為「Play」，借四個好玩的追逐時裝潮流主題故事，傳達快樂的訊息。
去年九月推出的《SHOWER》，主題名為「RealLife」，是由十二星座出發串連成的故事，而相距八個月在本月底推出的第二期，則叫作「Play」。作為《SHOWER》的創作靈魂、王菲御用形象指導TitiKwan表示出發點很簡單，只是覺得四周的人總是不開心多於開懷，便想以「快樂」為出發點，但慢慢卻演變成「Play」。
TitiKwan說：「第二期『Play』刻意冇用supermodel，裏面大家見到嘅相，就咁睇係一頁頁時裝示範，但分拆出嚟嘅四個故事，卻代表咗好玩，引申出追逐時裝潮流只係生活嘅一部份，借fashion去得到快樂先係傳達出嚟嘅訊息。」
TitiKwan續說：「裏面四個故事，有兩個姐妹掉轉衫着嘅樂趣，有以抽象形式表達兩個女仔喺扮靚上面嘅大鬥法，重有畫面清晰不過，一大班男生去旅行，同埋時裝字典嘅一個真義，唔係件衫玩你，係一個人絕對可以駕馭件衫。」
對於出版《SHOWER》的原意，TitiKwan說他的心意路向仍然清晰，他說：「我係香港人，我只係想做一本有國際水準嘅雜誌畀香港人睇，就係咁簡單。」
《SHOWER》現階段的銷售市場為香港、倫敦及巴黎，但甫出版了一期，已有令人鼓舞的支持，TitiKwan說：「我知道CommedesGarcons設計師ReiKawakubo同MartinMargiela都好鍾意，我當然開心，但呢兩個唔係咁商業化嘅大師都鍾意我哋嘅style，對我想令《SHOWER》商業化呢個決定有啲遲疑。」最後TitiKwan透露說：「我計劃邀請一個如雷貫耳嘅大師人馬幫我哋以客席作者身份寫稿，但係邊個就要賣吓關子先。」
採訪：MichelleLeung
訪問攝影：ChanKwingWai