長毛昨晨七點鐘被警方入屋拉人，唔知佢最心掛掛係啲乜？見佢喺西區裁判法院提堂後，一邊辦理手續，一邊手上就攞住數張稿紙，佢好緊張同八方講：「我未寫稿，要交啦！」
長毛甫出法院，當然被大批傳媒訪問，佢就即刻急急腳跑去附近間茶餐廳，唔係歎茶，係寫稿！眼見佢攞住自製香煙，一邊吸，一邊諗，寫完又刪，唔知佢個人係咪太亂，一時間唔知點落筆。長毛向來都幫《蘋果》副刊寫專欄，一個禮拜寫兩次，一篇文幾百蚊。（個專欄嘅其餘時間則由吳靄儀撰寫）。可能佢嗰五百蚊保釋嘅錢，都係呢度賺番嚟呢！
對於警方呢幾日行動，有長毛自己友諷刺，殺雞叫「火百合行動」，拉長毛就係「火烚烚行動」。
E-mail：