就到母親節，我肥師奶都知好多仔女其實好孝順，但又偏偏太忙而唔得閒去搜尋好有特色嘅母親節禮物。其實計我話呢，禮物係在乎心意而唔係價錢嘅。如果唔係太多時間又想買有心思嘅禮物，可以去Godiva自己揀啲適合媽媽口味的美味朱古力，然後裝入特別為母親節而設嘅靚錦盒又或係金黃絲帶禮盒中，便又靚又有心思。
銷售點：Godiva
地址：中環國際金融中心商場1樓1035店(22950268)
好多小朋友都鍾意飲汽水，但汽水飲得多都唔係好有益，我肥師奶就鍾意買啲有益又好味嘅飲品給他們。好似這隻飲品，驟眼看到個葫蘆樽，咪以為這是可樂汽水，其實是一隻加了不同健康口味的有汽礦泉水。分別有接骨木花、檸檬草加薑、小紅莓味道。三種口味的礦泉水的味道跟我們平日飲慣的日本有汽礦泉水有頗大分別。
銷售點：金鐘太古廣場LG1地庫Great
碗仔翅呢種街頭小食一向都好得我肥師奶的仔女的歡心，但在街邊買嚟食始終唔太衞生，我肥師奶就唔係好贊成。所以就轉咗買呢種四海魚蛋出品的即食碗仔翅給仔女做下午茶。這隻即食碗仔翅有豐富材料，包括素翅、雞蛋、冬菇絲等，還附有麻油和香醋，只需隔水蒸或以微波爐加熱即可。
文：肥師奶
銷售點：大型凍肉舖