置地響北京投資嘅新城‧國際，本月在港推售30個單位，因反應好，展銷期延長到今個月13日，不過地點就改響自己「地頭」交易廣場。
中原首季代理華懋的樓盤聽講輸咗畀美聯，噚日蘭西收到料，中原向美聯下戰書，就第二季代理沙田碧濤花園（圖）同馬鞍山迎濤灣再作較量。
中原獨家代售嘅九龍城獅子石道一號，57單位一個禮拜賣清，上個禮拜六開祝捷會，噚日再登一個全版廣告，咁大手筆，睇嚟都係攞威居多。
發展商近期推盤積極，好似今日就有3個樓盤舉行記者會，分別係長實普頓臺、太古維景灣畔三期同九龍建業采茵軒。
中國海外響深圳嘅中海深圳灣畔，由上月28日至本周一，共收300多張認購票，超額6倍，今個禮拜六起響本港展銷。另外，世茂集團旗下嘅上海世茂湖濱花園，首批40伙，響上海2002年度春季房地產展銷會，獲得約30倍超額。
蘭西