王家衞今年底會再開拍一部以已故詠春師傅葉問生平為背景的電影《一代宗師》，梁朝偉將飾演葉問一角，由於李小龍曾拜葉問為師，故此電影公司會找童星扮李小龍，而偉仔在片中則將要剃光頭演出。
王家衞年底會執導新片《一代宗師》，以佛山詠春拳後人葉問的事迹為題材，葉問曾經跟詠春拳宗師梁贊之子學武，其後來港成立詠春體育館，已故功夫巨星李小龍亦曾拜他為師學詠春。
昨日主角梁朝偉與王家衞在旺角出席已故詠春師傅葉問的葉問堂籌建委員會成立儀式，王家衞認為葉問的一生很有拍攝價值，他說：「葉問呢個角色由梁朝偉做就最適合。我喺三、四年前已經想拍呢部戲，幾年前劉鎮偉想搵周星馳拍呢部戲，結果拍唔成，重鬧出官司，不過𠵱家我拍呢部戲，唔會受佢哋官司影響，因為個劇本係我寫，今次我會以葉問嘅中晚年為主，偉仔由下個月開始要一邊學詠春、一邊拍《2046》。由於戲中會有李小龍嘅童年，所以會喺內地搵童星演出。」
偉仔下月開始要跟葉問兒子葉準學詠春，偉仔昨日特地在葉問遺像前鞠躬，他說：「我想學詠春好耐，𠵱家有機會，我都好開心，今次個角色要剃光頭。」而葉準將擔任《一》片顧問，對此他說：「我覺得偉仔幾似我爸爸，我同偉仔都見過兩次，遲吓我會教佢詠春拳。」
此外，偉仔早前被傳與安雅過從甚密，身為偉仔女友的劉嘉玲表示只要偉仔開心，她是不介意偉仔結交其他女子，對於這緋聞，偉仔說：「呢啲問題我唔想回應。」對於劉嘉玲表明批准他結交女友，偉仔聞言說：「人哋儍，我唔係儍。千祈唔好以為我話嘉玲儍，我只係話寫嘅人儍。」
採訪：魯萍
攝影：陳慧安