王菲去年約滿EMI，王菲的經理人陳家瑛昨日證實英皇曾接觸過王菲與她傾合約。如果事成，王菲和舊愛謝霆鋒就會同樣隸屬英皇旗下，大有可能合作。陳家瑛又謂最重要是看唱片公司能否配合王菲的發展。
英皇娛樂繼EEG和MusicPlus之後，即將成立一間新唱片公司MusicIcon，英皇老闆楊受成早前已撬走StarEast唱片部高層黃劍濤到MusicIcon做揸弗人，MusicIcon還打算斟兩至三個有份量的歌手坐鎮，由一線歌手帶起公司的新人。
黃劍濤最近密鑼緊鼓，尋找有份量的歌手加盟，據知已和葉蒨文傾得七七八八，又與天后王菲斟介中，如果事成，王菲和舊愛謝霆鋒就會有機會做同事，還可能有機會合作。
記者昨日就此事致電聯絡王菲的經理人陳家瑛，她承認王菲現時正和不同的唱片公司傾新合約，包括英皇、EMI和正東，陳家瑛說：「呢幾間公司我哋都有接觸。」
王菲之前高價簽EMI，如今市道差，傾新約時會否堅持高過舊價？陳家瑛對此說：「我哋又唔係生番，都係應市場需求去傾價啫。其實價錢反而係次要，要睇吓唱片公司有啲乜嘢可以配合到阿菲，最重要係配合，睇晒唱片公司嘅計劃書先至決定簽邊間，一切都未有定案，價錢嘅嘢，𠵱家都未可以透露住。」
王菲去年年尾約滿EMI，外傳王菲和EMI的舊合約是以三千萬的天文價錢簽五十五首歌，約滿後EMI曾和王菲傾新約，但因市道不景，EMI出不起高價。另外正東唱片亦有斟過王菲，同樣因為價錢問題而未能達成共識。
據知黃劍濤想打響頭炮，更向王菲主動開價，一反以往由歌手開價的慣例。而新公司MusicIcon雖然是英皇旗下，但將會是獨立運作，寫字樓亦不會在灣仔英皇總部，地點暫時定在尖沙嘴區。
陳家瑛承認曾與英皇斟洽，但另一邊廂黃劍濤卻否認和王菲傾過，黃劍濤昨日接受本報電話訪問時說：「我冇傾過王菲，公司嘅方針主要係做新人。我的確係傾緊一個曾經好紅、喺東南亞都好巴閉嘅女歌手，佢已經有一段時間冇出唱片。」據悉黃劍濤亦曾斟洽過張國榮過檔。
至於是否會考慮王菲？黃劍濤說：「所有有潛質嘅歌手我哋都會傾，但始終做生意一定要睇盤數，王菲嘅價錢，公司應該負擔唔起。」
此外，昨日有報道指「小小超」李澤楷有意邀請謝賢一家四口拍攝盈科保險廣告兼做代言人，原因是謝家全家都懂得如何面對困難積極生存，但因為霆鋒涉及的頂包官司仍未完結，狄波拉和謝賢仍未決定是否接拍。而盈科保險方面則沒有證實有否邀請謝賢一家拍廣告。
採訪：陳月媚、朱芷瑩