周星馳（星仔）的母親雖然很關心兒子的婚事，但礙於星仔對這些事從來很低調，所以她都不敢向星仔提問。星媽昨日接受電台訪問，公開品評星仔過往的緋聞女友，她大讚莫文蔚多才多藝，而趙薇則很靚女。
周星馳（星仔）的母親凌寶兒（星媽）昨日往黃埔新城娛樂台，接受薛家燕的《家天下》直播訪問，大談星仔的緋聞女友。
問星媽可渴望飲新抱茶？她說：「有就最好，冇都冇所謂。」星仔有否帶過女孩子回家見星媽，她說：「呢啲嘢啱咪見到，佢唔會刻意帶畀我睇。我唔會好奇佢啲女友，因為問佢呢啲嘢都唔會講。」
星媽更大談兒子的緋聞女友，她先講莫文蔚（Karen），她說：「作為一個歌迷，Karen好好，我聽過佢嘅演唱會，佢多才多藝，佢哋（指莫文蔚和周星馳）只係好朋友。」
星媽可曾想Karen當她的新抱？她說：「咁又未必，呢啲嘢係講緣份，而且夾唔夾係佢哋嘅事，我用第三者眼光去睇，Karen真係唔錯。」至於趙薇，星媽則說：「我喺上海見過佢，佢係靚女一名，其他嘅嘢叫我一下子點講，總之各有各好。其實拍戲拍得耐就會有感情，唔可以話拍一套傳一個。」
對於跟星仔經常一起的于文鳳，星媽好像有點猶豫，她說：「我唔可以話冇見過，始終識得，我個個都見過，但至今佢冇話正正式式帶過女朋友返屋企。」
此外，星仔近日跟寰宇老闆林小明為電影《少林足球》有官司糾紛，星媽力撐說：「我睇過份合約，我哋係有理由，套戲賣埠係應該分錢，不過星仔冇認真同我講呢件事，佢話已交咗畀律師處理。」
採訪、攝影：馮美茵