儘管星期一公布的薪酬趨勢調查令阿松跌了眼鏡，但八方聽聞阿松最近心情靚靚，原來是在他親自出馬下，終於成功說服「橋王」許仕仁留任積金局行政總裁。
不過，今次係你求人，唔係人求你，所以想橋王份新合約效法任總減人工，都幾難矣！
橋王二千年六月開始在積金局上班，兩年合約即將屆滿，為了四百萬元的年薪和每年的花紅，他接二連三受批評；今年初，煲呔又話要檢討公營機構頭頭人工，更加令他㷫烚烚，於是在飯局兩杯紅酒下肚後，橋王就對各方友好透露離意，令商界和官場都傳得鬧哄哄。
官場好友告訴八方，橋王較早時已經親口同積金局主席李業廣講咗，約滿就拜拜走人，但阿松堅持不放棄。阿松重以拍得住追求一級國寶的堅毅和耐心，親自出馬，終於單對單講掂橋王留任。
據聞，當年老董兩度約見許老爺，游說他重返官場做財爺，甚至話要出動董太Betty打電話畀許太放老公做官（當然前提是橋王藉老婆大人做擋箭牌推老董），但最終都無功而還。
E-mail：