距日韓二○○二年世界盃決賽周尚有二十餘天，主辦國日本同南韓已準備就緒，迎接體壇盛事來臨。講到世界盃，自然少不得世界盃紀念品，今屆賽事因為首次於兩個不同國家舉行，所以兩地所賣的紀念品都各有特色，其中日本的世界盃紀念品種類既多，又不時有新款式，球迷有機會去日本，記得抽空去各大世盃官方專門店逛逛，肯定可以搵到心頭好。
每屆世界盃主辦國都會推出不同款式的紀念品，讓世界各地熱情球迷選購，今屆日、韓自然不例外，在決賽周前九個月已將各類精品推出市面，供各商舖及體育用品店等擺買，不過，今屆世界盃紀念品種類可能是歷來最多。
靜岡及橫濱同是日本主辦城市之一，而兩間專門店同樣相當就腳，都是在市內的火車站商場內，兩間舖門面不算大，但擺放精品則既多且齊，吉祥物、波衫、T恤、頸巾及文具；玩具同銀包等例牌貨自然少不得，還有限量版襟章及耳筒等特色紀念品發售。
部份貨品就更加充滿日本的特色，例如有幾款手巾就印有錦鯉；過去幾屆世界盃紀念品中比較少有的日本扇，更是今次日本世界盃紀念品主要賣點，當然，餐具少不免以日本碗及筷子掛帥。
日本十二間世界盃精品專門店位於不同城市，每間店都擺放以該城市為名的世界盃貨品，例如靜岡店只可以售賣靜岡市世界盃紀念足球和襟章等，而主辦單位還會在個別商場售賣靜岡出產的世界盃紀念版日本酒。
值得一提的是，日本世界盃籌委會重還推出了世界盃決賽周紀念珠寶，有頸鏈、戒指及吊墜等，價格方面有平亦有貴，最貴鑽石鏈買二十萬日圓（約一萬二千港元），最便宜八千八百日圓（約五百五十港元）一隻戒指亦有。
圖?文：曾雁平