母親節話咁快就到，係時候要買定禮物孝順一下平日辛苦操勞的媽媽。我肥師奶就覺得送花送金飾都唔及送啲對身體健康有益的食品咁好。事關健康最緊要。所以我去健康工房買呢隻妍麗龜苓膏畀媽媽。呢隻龜苓膏特別針對女性的生理狀況，加入咗當歸、首烏、黃耆及大棗等藥材，有清熱解毒等一般龜苓膏功效之餘，更能緩和緊張情緒，每星期食兩三次有助調理內臟機能，連我肥師奶自己都鍾意食。
健康工房有售
地址：旺角彌敦道565-567銀座廣場地下（27807220）
我肥師奶成日叫啲仔女要食多啲水果至唔使搞到便秘，事關食水果有益又健康，食水果可以話係我嘅強項，有最新水果上市我必定唔會錯失，好似近排喺部分果檔俾我搵到呢款個樣有啲似蜜桃，但係又無毛嘅一種叫珍珠桃嘅水果，聽檔主話佢係嚟自大陸，今年至入口，敢於試新嘢嘅我又豈會錯過呢！試過又唔錯喎，食味同桃一樣帶清香味，惟唔及桃咁甜，但水份充足。
就快母親節，阿仔知道我鍾意飲啲酸咪咪嘅飲品，買咗樽青梅梳打畀我飲，都算佢有我心啦！青梅梳打由韓國入口，味道酸甜適中，夏天飲解渴怡神，我重介紹隔籬屋個七嬸飲，佢都話鍾意，佢話入口似飲汽水，但無汽水咁甜，最緊要係來路貨但價錢唔算貴，阿仔真係無介紹錯呀！
用易潔鑊煮食很方便，但要留意不可使用金屬的鑊鏟免刮花，所以通常會用竹或膠的廚具。但炒飯時用竹或膠鏟會把飯壓得太實，效果不理想。而這種以耐熱樹脂製造的鑊鏟，在鏟的部份特別製成凹凸花點，炒飯時飯粒便不會黏在一起，可以炒得更均勻。