錦上添花嘅事通常人人爭住做，所以噚日機管局慶祝「全球最傑出機場」冧莊，阿董唔在講，政商各界精英蒲晒頭，企滿君悅宴會廳。
當中呂志和最識做，起初記者見到佢都追問幾時交賭場定金，連雲大棉都追住叫佢新賭王，搞到呂生笑到見牙唔見眼。不過，佢無論笑到幾開心，但就死都唔肯講賭場嘅消息，重講笑話：「你借錢畀我就交（訂金）！」咁最近有冇去澳門視察吓環境呢？呂志和又係嬉皮笑臉話：「你請我就去！」嘩，點請得起新賭王呀？後來呂志和先解釋，噚日嘅場合唔應該講咁多澳門，應該講多啲香港機場同香港經濟。咁又係。
（圖）「新賭王，你好嘢！」連周梁淑怡都要豎起拇指，唔通呂志和已經有好橋搞旺新賭場？
E-mail：