鄭耀棠前排去咗台灣出席一個香港問題研討活動，原來呢次係棠哥第一次踏足寶島，亦係有史以來第一位成功去台灣嘅工聯會會長。但最遺憾是，佢只係在台北停留一日，其餘時間都喺高雄。結果鼎泰豐小籠包食唔到，誠品書店又去唔成。
咁對寶島印象如何？棠哥就直言話好似大陸。例如有日佢喺淡江大學門口見到一架車，車牌有個「軍」字，裏面坐咗個大兵哥。棠哥即時心諗：咁似大陸武警嘅？
對於台灣人對香港嘅印象，棠哥就忿忿不平，原來喺佢哋眼中，回歸後嘅香港已經變成共產主義社會。重有位廖光生教授嘅演詞，話香港人𠵱家已經跌落貧窮線下，由以前魚翅撈飯變成鹹魚青菜，社會極不穩定……棠哥當然覺得太誇張，重話兩岸三地應該多啲交流，消除誤解。
（圖）棠哥在香港政策研究所行政總裁李正儀陪同，到台灣街頭購物。
E-mail：