二十歲日本歌姬宇多田光，上月入院切除卵巢良性腫瘤，但手術後因服食荷爾蒙藥物產生副作用，於本月四日要再度入院，其父宇多田照實前日在女兒所屬的唱片公司舉行記者會，更大爆光妹提議過將腫瘤醃製成裝飾品留為紀念。
宇多田照實表示，卧病在床的光妹精神頗佳，每天均會追看有關自己的新聞，他說：「我同光女都諗唔到啲藥會有咁勁嘅副作用，𠵱家佢仍然會發燒、嘔吐同肚痛，情緒唔穩定時重會一邊大喊一邊話：『我都唔知點解喊！』總之所有好似女性更年期嘅症狀都出晒嚟。」
光妹其實極希望盡快向fans親身解釋，她患的病並非如外間所講那麼嚴重，宇多田照實說：「光妹對自己嘅病一直抱住好積極嘅態度，割完個直徑有成五點五厘米嘅瘤出嚟之後，佢竟然話要好似人哋做標本咁，用酒精保存個腫瘤，擺喺間房做裝飾！」
宇多田實照解釋女兒一直不肯取消工作，最後被迫入院時，光妹更一度哭了出來，而他肯向傳媒公開光妹生腫瘤一事，是想警惕現代年輕女性要注意身體健康。