陳淑蘭（蘭子）早前接受有線娛樂台節目《好女人系列》訪問時，自爆與黎明在九一年曾經相戀，蘭子昨日如常往港台開工，主持節目《娛樂滿天星》，她一到埗，即時向記者澄清說：「好驚呀！今日（昨日）要帶遮出街，我怕俾人掟屎呀！」
其後蘭子在節目中解釋：「我冇同黎明拍過拖，其實我嗰日做訪問嘅時候好似遊緊雲咁，因為我食咗啲感冒藥，唔係好清醒，我只係單戀黎明，佢係唔知嘅。」會否怕黎明不滿？她說：「我諗佢唔會嬲囉，只係有人單戀佢之嘛，點會嬲，而且我唔係借佢做宣傳，要做都喺九一年嘅時候做啦。」而黎明日前在香港大球場為新歌《衝鋒陷陣》拍攝MV，而此MV將有兩個版本。
此外，記者前晚致電方中信，問他是否曾經妒忌黎明，並要求蘭子致電黎明，叫對方不要再找她，對此方中信說：「陳年舊事，唔記得啦。」