「我……挺董！」大家對霍英東在挺董大會呢句金句印象深刻，其實佢亦係廣東社團總會榮譽總監，而首席榮譽會長則是李嘉誠。老霍和誠哥同阿董咁老友，唔怪得嚟緊回歸五周年，廣東社團不惜大灑二百萬，同阿董粉飾太平。其中一百萬預咗贊助六月二十三號嘅「特首盃」龍舟賽。七月三號重會於灣仔會展大排筵席，擺超過百五圍酒席，除咗賀回歸五周年同廣東總會創會六周年，重特別慶祝阿董連任第二屆特首。
呢次「連任慶祝宴」，老董、中聯辦主任姜恩柱、特派員吉佩定會到場主禮，每位盛惠三百八，總會每席倒貼成千銀，另外重使三十幾萬，預五十圍請廣東省市領導嚟飲。總會秘書長歐陽成潮話，到時重想請埋阿董嘅新問責部長。不過萬一有乜阻滯，到時未組到班又點？末代局長都殺。
E-mail：