九鐵同長實合作發展之「國際都會」一期截標，結果真係得一份標書，相信就係長實自己。又難怪，投標條款咁辣，又得兩個禮拜時間準備，邊有財團肯去馬呢？
提起今次投標，八方最近又收到關於九鐵之告密信，爆九鐵點樣明益某財團。呢類消息，在沙田中環線標書上行政會議前，幾乎個個禮拜都有，簡直令人歎為觀止；有的料今日至在董事會討論，兩日後就通晒天連記者都知，聽聞九鐵好想揪出幕後黑手，不過後來爆出西門子單醜聞，情況失控，新主席田北辰乘勢郁手改革，告密行動始靜咗一段日子。
八方聽聞，西門子事件調查報告已經差不多完成，至於內容就要賣一個關子，但楊啟彥應該可以買定香檳。
﹙圖）西門子事件調查將近完成，楊啟彥應該可以飲得杯落。
E-mail：