繼《JediOutcast》之後，RavenSoftware的另一套大作《SoldierofFortuneII:DoubleHelix》亦宣布面世。眼見《GlobalOperations》嘅單人玩模式唔多掂，不如試吓《DoubleHelix》，今次用了次世代的GHOUL引擎，角色多邊形數目大增，非常細緻，或者會有驚喜都未定。
文：方樂鵬
遊戲開始時的首個任務，將會返回原作中15年前的美蘇冷戰時期。主角JohnMullins奉命潛入蘇聯勢力範圍內的布拉格，帶走意圖變節的美國生化武器科學家。雖然行動成功，但估唔到當年科學家的化武，竟會在15年後的今天重現哥倫比亞……
《SoF》最受玩家熱愛之處，首推Raven原創的GHOUL角色模造引擎，讓玩家可以瞄準敵人身體各部位射擊，令對方出現逼真的反應和傷害，比起其他作品更加血腥暴力。不過Raven同一眾玩家當然唔會咁就滿意，所以次世代的GHOUL引擎，亦隨着遊戲續篇出現。GHOUL2最大的特點，是將角色的多邊形數目由300大大增加至3,000，細緻程度可以話連眼皮都唔放過，可攻擊的部位，亦由原作中的26個增加至36個，等你殺敵時可以有更多選擇，以及更多發揮機會。
講到人工智能系統方面，遊戲中嘅AI共分為三種，第一就是友軍AI，設計重點是基本戰術運用，例如找尋有利位置掩護、利用無線電和隊員通訊等等。而第二種就是敵軍AI，它和友軍AI最大分別在於敵人會做出一些較特別的行徑，例如冇子彈嘅時候會拋低武器，然後找尋新槍再和玩家駁火。至於最後一款亦都是最難纏的可算是ThugAI，可以講係敵人AI嘅另類設計，顧名思義，ThugAI嘅敵人多屬勇悍不畏死之徒，喜歡埋身肉搏打爛仔交，遇上佢哋都幾難搞。
作為一套偏重實戰的第一身射擊遊戲，《DoubleHelix》中的登場武器均為大家所熟悉的槍械和重型武器，包括M4A1、H&KG3、H&KMk23、USAS12、M60等等。它們除了具備多款攻擊模式（如單發和三連發）之外，玩家更可為槍械裝上不同的配件如刺刀、滅聲器、紅外線瞄準器，實用之餘亦令你玩落更加有Feel，攻擊方式亦可以有更多變化。唔止咁，遊戲嘅槍械模造同樣異常逼真，由退膛、撞鎚到更換彈匣的動態都如同實物一樣，如果你是槍械迷，玩過必定愛不釋手！
SoldierofFortuneII：DoubleHelix
發行：Activision
開發：RavenSoftware
推出日期：發售中
售價：約$390