陳妙瑛在銅鑼灣開設的化妝學校「BeautyTech」，日前找來劉香萍的女兒Enki任形象女郎，豈料這批相被人製成只賣四十九元的T恤，還在一間時裝出口店售賣，令陳妙瑛異常憤怒，揚言要追究。
陳妙瑛早前在銅鑼灣開了一間化妝學校「BeautyTech」，還花了六位數字製作費，找來藝人劉香萍的愛女Enki任形象女郎，拍了一輯廣告相。但陳妙瑛想不到其一番心血會被人侵犯版權，將Enki的肖像印製成一款多色的四十九蚊平價T恤，在銅鑼灣時裝出口店發售，氣得陳妙瑛聲言會採取法律行動追究。
日前陳妙瑛在「BeautyTech」向記者展示這批肖像盜版T恤，她表示是員工在公司附近一間時裝出口店發現這些盜版T恤。
陳妙瑛憤怒地說：「佢哋擅自攞咗我個ImageGirl肖像嚟用，我唔想俾人誤會以為係我化妝學校出售，所以覺得有必要澄清。我哋掌握咗一啲資料，足夠嘅話會採取法律行動，還我公司同Enki一個公道。」
陳妙瑛續說：「呢類T恤圖案好多時都係copy啲外國雜誌，或者佢個樣鬼鬼哋，我哋又包裝到佢成個外國model咁，可能佢哋以為我個廣告係用外國雜誌相，但查實成輯相係我花咗幾十萬成本嘅本地製作。」
採訪：盧雪琪