捧紅的林嘉欣星皓再谷雙妹嘜
唐寧上圍冇變都係32

由星皓一手捧紅的林嘉欣，她的兩位同門師妹江芷妮及唐寧，現時亦在公司栽培下力求上位。日前兩人便趁着炎夏，穿上性感水着一展身材，而當年拍電影而獲32A少女稱號的唐寧，更被發現上圍多年不變，依然32。

現年二十三歲的江芷妮及二十一歲的唐寧（原名江麗娜），與剛在今屆金像獎中勇奪「最佳新演員」及「最佳女配角」獎項的林嘉欣，同屬星皓旗下藝人。日前二人以水着雙妹嘜形象，在清水灣上演一場沙灘球賽。
兩位林嘉欣師妹各自穿上水着後，齊齊出賣了自己腹部的秘密，江芷妮露出了性感臍環，而唐寧肚子上則長了一顆大痣。

曾與小齊合作
江芷妮現為無綫主持《K-100》，亦曾與任賢齊合演尚未上畫的電影《失去三十年》。對於師姐林嘉欣的順利發展，江芷妮坦言感到羡慕，她說：「嘉欣好好彩，但佢都好有實力，佢攞獎係實至名歸。我羡慕佢，但唔會妒忌，我簽咗星皓只係半年，公司已經畀緊機會我。」
而六年前憑電影《四個32A和一個香蕉少年》晉身娛樂圈的唐寧，至今仍未能擺脫其32A少女形象，會否覺得「32A」是個包袱？
唐寧笑說：「我唔會咁諗，反而好開心拍過呢齣電影，因為嗰時我只得十五歲，冇幾多個人十五歲有機會拍到一部令人記得嘅戲。不過𠵱家都少咗人叫我做32A，多數嗌我喺《騎呢大狀》套劇入面『小桃』個名。」

身材冇「進步」
唐寧以前的身材是32A，現時她的上圍仍是32吋，論身材豈非沒有進步過？唐寧即說：「梗係有啦，我會長大吖嘛，況且以前重細個，都唔清楚自己嘅size，都係就個戲名啫。」
採訪：朱芷瑩
攝影：仇志德
髮型：唐寧--AndyofCHIN.G、江芷妮--KeinoYipofMOMO
泳衣提供：Koisk