香港人對水上活動嘅興趣已經不再只局限於游水，近年不論風帆、划艇及滑浪等都成為年輕一輩假日嘅消閒好活動，同做所有運動一樣，合適嘅裝備非常重要。今次就為大家介紹一系列最新推出嘅水陸運動鞋，功能實用又創新，款式設計有型有款，無論玩水上活動抑或出街時穿着都一樣無問題。
記者：許穗齡
攝影：楊錦文
ImageGirl：Mon
呢款由TIMBERLAND出品嘅水陸運動鞋，創新的設計並非在於鞋面，而是在於橡膠鞋底上的氣孔設計。由於壓力原理，氣孔不但不會入水，反而在走動時可將鞋內嘅水份排出，唔怕焗腳。鞋面以潛水物料及皮製成，落水後能迅速乾透，加上拉鏈式設計，新穎又方便穿着。
尺碼：US7-102
售價：$650（TIMBERLAND）
玩完各種水上活動之後，想將鞋吹乾的話，呢款TIMBERLAND水陸運動鞋就照顧周到，於鞋舌位置特別設有一個以軟膠包邊的小孔，方便掛起吹乾或以手指勾住邊行邊吹乾，設計有心思！鞋面以潛水物料及皮製，以魔術貼調校鞋的鬆緊，鞋底則以橡膠製，防跣又具承托力。
尺碼：US7-10
售價：$590（Mirabell）
呢款NIKE出品的水上活動鞋名為Lungfish，鞋面以網布及纖維物料製，特別設有帶彈力的繩索，穿上鞋後只要用手一拉膠扣，鞋身就會緊貼腳掌，方便易着。鞋底用上高抓地力的橡膠，無論行石地抑或木地都唔怕跣親。
尺碼：US4-12
售價：$459（NIKE）
水陸運動鞋最重要當然係防水防跣，不過夠貼腳同樣咁重要。呢款TIMBERLAND水陸運動鞋就以彈性繩索束緊鞋面，拉緊後再以膠鈎固定於前方，唔怕繩頭阻礙活動。鞋面以潛水物料製，而鞋底則以橡膠製，耐磨又防滑。
尺碼：7-10
售價：$590（馬拉松）
進行水上活動時除咗腳掌有機會受傷外，其實腳踝都會受到不少碰撞，呢對QUIKSILVER水上活動鞋就以中筒式設計，可以包埋腳踝位置，而鞋筒頂位更以彈弓扣束緊，唔怕甩鞋。鞋身以潛水物料製，加埋耐磨防跣膠鞋底，最啱玩水上活動時穿着！
尺碼：US7-13
售價：$280（QUIKSILVER）
咪以為呢對QUIKSILVER出品嘅水着鞋得個款，其實成對用上優質潛水物料，不但耐磨易乾，鞋底更用上特別防跣質料，就算去到外國滑浪滑水遇着珊瑚底，都一樣應付自如，加埋有型嘅忍者鞋款，絕對係功能款式兼備之選。
尺碼：5-13
售價：$380（QUIKSILVER）
行沙灘想着拖鞋，但係玩水上活動時又怕甩拖的話，呢對可以變身的MERRELL水着涼鞋就啱晒你。涼鞋的後踭扣以魔術貼固定，拆除後可變成拖鞋，方便易着。鞋面用上人造皮，內加一層尼龍布保護腳掌；鞋底採用彈性橡膠，防滑耐磨，就算係濕滑的地面都可以發揮高度抓地力，適合各類型水上活動。
尺碼：US5-9
售價：$460（Mirabell）
水上活動經常會上岸同落水，最怕對鞋曬極唔乾焗住雙腳，呢款MERRELL人字拖就採用快乾人造皮製成，人字鞋面設計面積細，自然更加快乾透，而其防菌鞋床可防止細菌滋生，保持腳部健康。鞋底以彈性橡膠為物料，既防滑又耐磨。
尺碼：US5-9
售價：$299（Mirabell）
人字拖係去沙灘嘅最佳選擇，不過易除易着亦代表住易甩拖，所以呢款MERRELL就採用創新魔術貼帶，方便用家自行調校鞋帶鬆緊度。其鞋底採用彈性橡膠，更備有氣墊，可緩衝4倍人體的重量震盪，功能齊備款式又有創意。
尺碼：US5-9
售價：$299（Mirabell）
店舖資料
TIMBERLAND專門店（23919838）
旺角彌敦道664號惠豐中心1-3號舖
Mirabell（21997973）
尖沙嘴栢麗大道G21號舖
馬拉松（25063139）
銅鑼灣時代廣場6樓616號舖
NIKE（23779660）
尖沙嘴栢麗大道33-34號舖
QUIKSILVER（28366073）
銅鑼灣白沙道10號1樓及2樓