中大頒院士，除咗得主全是猛人外，來捧場嘅都唔嘢少，計有鄭裕彤、雲大棉、鄺其志、陸觀豪、鄭慕智、香樹輝……其中最矚目嘅當然係大紅人李國寶家族中人──李福善同女兒李志喜，當被問到寶哥哥的風流事時，佢哋就雞咁腳走夾唔唞。李國寶媽咪李胡紫霞亦有到場，李媽媽一身優雅嘅藍底碎花旗袍，被問到近幾日心情如何，一臉無所謂地不停重複：「冇嘢吖！我一啲都冇嘢呀！」
看來最放不開的要算女方家長廖烈文，佢直到儀式尾聲才匆匆趕到，出入重有點鬼祟，竟以場刊遮面。有記者發現佢，追問佢點睇個女同六十幾歲嘅寶哥哥鬧緋聞。廖老先生一聽就火滾，面黑黑咁話：「我乜都唔會講㗎嘞！」重即時離場。其實佢都算唔話得，山長水遠都趕來恭喜老友，重送咗三個花籃畀李福善、李兆基同鄭海泉。
E-mail：