蘇富比拍賣行前日及昨日繼續於金鐘香格里拉酒店舉行預展，出席的名人藝人包括王守業夫人、賭王何鴻燊堂弟何鴻章及徐濠縈等。
李國寶夫人潘金翠的閨中密友王守業夫人，昨日路經金鐘，她表示剛從雲南麗江旅遊回來，閱報得知李國寶與廖碧欣歐遊的新聞，她說：「我就唔係好信啦，有相都可以係假嘅啫，我覺得李太今次好慘，都唔知係邊個整蠱邊個？」她又打算下周相約潘金翠飯敍安慰她。
此外，徐濠縈連續兩日前來欣賞名表，她表示男友陳奕迅（Eason）下體的傷勢已康復，Eason休養期間，得她全程照顧，二人的感情可大有進展？徐濠縈說：「一向都向前進㗎啦。」
問徐濠縈會否考慮與男友生BB？她說：「我係個好精打細算嘅人，唔會令自己咁易有意外嘅。我覺得𠵱家同結咗婚冇分別，係差張婚書啫。」