富豪S40及V40自推出以來，一直深受用家歡迎；而廠方為迎合用家嘅需要，最近特別為S40及V40推出改良版，不但將車廂布局設計得更吸引之餘，就連安全設備亦有所提升，以保障車上乘客嘅安全㖭！
雖然從外表而言，經改良後嘅S40及V40與原車相近，但當你細心留意下，就會發覺新車嘅頭燈不但有黑色襯底外，就連鬼面罩亦改以黑色配襯，望落突出又吸引，而尾冚下方重加有電鍍裝飾㖭。車廂布局亦略有改動，當中包括改配承托力較高嘅座椅、改用上三輻式軚環等等；不過相信最吸引嘅，會係新車嘅側氣袋亦同時被廠方強化改良，以確保乘客於意外發生時嘅安全。
同時，經改良後嘅S40及V40，其引擎表現亦來得較好，尤其係一系列嘅四汽缸引擎型號，耗油量重要比之前來得更低㖭。未知富豪嘅香港代理，何時會將之引入呢？