中國入世後，內地省市來港招商活動絡繹不絕，本月更是高峯期，除了噚日開始的山東省和湖北省外，稍後還有江西省和安徽省，十分熱鬧。
眾多招商活動中，相信以昨日山東省的場面最為熱鬧，久未在這類國內招商活動出席的超人李嘉誠、鄭裕彤、郭鶴年等香港富商，均有畀面捧場。八方問起因由，原來係因為深圳市前市委書記張高麗。
張高麗去年調職山東省，出任該省省長，今次係第一次以該省省長身份來港，因此班「大孖沙」齊齊畀面出席。由此可見，張氏與本港富商的關係幾咁良好，除咗超人、彤叔同糖王外，霍英東亦有到，至於政界，就數都數唔晒，包括有曾蔭權同梁愛詩。
E-mail：