王傑和Twins的成員鍾欣桐在電影《這個夏天有異性》中有一段忘年戀，前晚兩人在尖沙嘴拍《這》片，王傑要將胸圍夾在腋下，然後把它跌在地上再執起，前後拍了十多次，由於不少市民圍觀，令王傑大感尷尬。
王傑和Twins成員鍾欣桐前晚在尖沙嘴拍電影《這個夏天有異性》，鍾欣桐因身材矮小，拍攝時要用木板墊高幾吋，十分搞笑。劇情講述約二十歲、在內衣店兼職的鍾欣桐暗戀三十八歲、性格戇直、賣樂器的王傑。但王傑因陪姨媽購買胸圍時，店舖沒有他姨媽尺碼的存貨，王傑便留下電話號碼訂購。於是鍾欣桐趁機約王傑出來交收胸圍，王傑將胸圍夾在腋下，但不小心把它跌在地上，惟有尷尬地把它拾起。
因要拍攝不同角度，光是執胸圍一幕，王傑就拍了十五、六次，現場有數十位市民圍觀，令他十分尷尬，他說：「咁多人望住，梗係尷尬啦！其實我都怕掂女人嘢，聽講話會唔好運，我都有少少信㗎，不過我最怕係三角形同用廁紙做嗰啲女人嘢！」
他續說：「同鍾欣桐拍戲唔辛苦，𠵱家啲新人好叻！我都試過有細我十幾年嘅女仔追我，但冇拍拖，因為性格唔夾，唔關年齡事，但我一定唔會同歌迷拍拖。」
問到王傑可心急再拍拖時，他說：「隨緣啦，但我𠵱家對感情完全失去信心，搵個靚嘅又冇安全感，但醜嘅又要日對夜對，結果揀唔啱。」
而鍾欣桐則表示自己找男友不介意年齡問題，甚至會主動追求男仔，她說：「我見到王傑執胸圍個樣，真係幾好笑。我自己鍾意男仔有性格，年紀大啲都冇所謂，如果我有鍾意嘅男仔，都夠膽主動開聲同對方講，咁當然要知佢對我有冇好感先啦！」
採訪：甘比
攝影：何國豪