蘭西日前搭地鐵，響車廂內嘅電子顯示板見到曉峯灣畔嘅廣告，可見房協果然跟得上潮流。
戴德梁行獲得英國地產年獎2002「最佳物業顧問」，該獎項旨在表揚響經濟、物業同商業顧問服務，以及好似估價、物業管理同代理等都良好表現嘅公司。
富城物業管理公司屬下嘅屋苑網站i-urban，響上個月開始推出超勁量60MB免費電子郵箱，現先響5個屋苑提供，稍後全部屋苑都有。而非富城管理嘅屋苑住戶，只要到佢嘅網站登記做會員，都可以享有呢個免費電子郵箱服務。
香港置業啱啱響大角嘴奧海城廣場二期開咗間分行，專做區內柏景灣同帝柏海灣嘅代理，主管曹仲康重率先響帝柏海灣買咗個單位住，香港置業執行董事陳坤興噚日就上去拜訪，兼送咗封大利是畀曹生。
新昌地產管理公司獲政府產業署委任，為24項政府物業提供管理服務，合約為期3年，金額逾1.3億元。新昌已請咗超過500人做呢個管理工作。
蘭西