嚟緊香港班車迷，又有新蒲點喇！事關早前經已納入寶馬旗下嘅新一代MiniCooper，自從年初代理預售至今，已經賣過近二百部，而且重響今年三月開始陸續交車㖭！之不過，對MiniCooper有興趣嘅朋友，而早陣子又錯過咗幾次預展的話，想睇吓部車嘅真身就幾困難喇！皆因年頭MiniCooper嘅陳列室，仍未落實嘛！然而，亞Mark剛收到代理嘅邀請，話專為新一代MiniCooper而設嘅陳列室，會落實響今個月中正式開幕，位置咪係亞Mark話過汽車一條街嘅告士打道，靠近灣仔方向囉！車迷不單止可以近距離接觸到部MiniCooper，陳列室內裏重有Mini嘅精品售賣，真係唔買都要睇吓㗎！