土茯苓功效清熱、除濕、通關節，我肥師奶日常可以行動自如、龍精虎猛，全賴平時攞土茯苓配合豬骨、赤小豆等一齊煲湯飲咋！呢排天氣悶熱，煲吓呢款湯飲，有助祛濕熱，經常食煎炸肥膩嘢多亦不妨多飲以土茯苓所煲成嘅湯水，清熱功效顯著㗎！呢啲新鮮土茯苓喺賣山草藥嘅檔口都可以搵到，十零蚊斤，有部份檔主重可以代為切片㖭，買返去洗淨即可以煲湯。
$16斤 山草藥檔有售
別看初生蛋細細隻，可是隻隻都是寶。來自湖南的初生蛋，蛋殼雪白，外表特點是比一般雞蛋細。但初生蛋的雞蛋味特別香濃，所以也很受識食之人歡迎。不過一般檔口賣初生蛋也較貴，要成$0.7-$1/隻，這檔卻只賣$0.5/隻，比較抵食。
$0.5/隻
銷售點：鳳德街市17及24號復興雜貨
平日多數煎魚或蒸魚，有時候轉一轉方式，用多士焗爐來烤魚也別具風味。但把魚放在普通錫紙盤中焗，會很容易黐底和燒焦。而這個烤魚錫紙盤便專為烤魚而設計，烤盤底成尖山形狀，魚肉底面受熱較均勻，而烤出的多餘油份更可流到盤中，食落不會油膩。
$19.8/包(3個)
銷售點：吉之島
文：肥師奶