中移動（941）GSM頻普使用費提高，3年少賺10億元，每年影響唔夠1%。股價一度散落25.65元，跌90仙，埋單25.85元，仍然唔見70仙，1日之間市值130億元化為烏有，相等於成40年嘅增收頻普費。
股價反應過度，不過都好，最低之時啱啱填補上禮拜四上升裂口。挫一挫，有機會更上層樓。中移動Call輪要摷隻嚟博反彈。
短炒，當然喺9029同9044兩者之中搵1件。9029昨日跌3.5仙，9044跌夠5.5仙，自然要揀9044埋手。
9044（8月到期）現價41.5仙，溢價得3.5%，槓桿率6.2倍，條件好靚。炒落去，唔使點怕蝕溢價。上禮拜五最高50仙，有機會三扒兩撥上番呢個價。
4大地產集團，是日最風騷嘅係新世界發展（017），收7字齊頭，升15仙。新世界有得睇，揀新世界Call輪炒炒。
新世界Call輪最正路係9172（10月到期），現價18.1仙，冇錯槓桿率3.9倍唔算爆炸，但溢價3%夠吸引，同埋買賣最易嘅係呢件。
章 盛