早前有指無綫劇集《帝女花》中幾位花旦不和，更指佘詩曼無論戲服或戲份皆勝其餘兩位女角郭羨妮和向海嵐。不過《帝》昨日開廠拜神，三位女角不但有傾有講，還穿上同款戲服，證明無分大細。
佘詩曼（阿佘）、郭羨妮和向海嵐昨日到電視城出席《帝女花》開廠拜神，三人均以書生打扮出現。監製鄺業生一見眾女角到場，即笑指阿佘戲服不是最貴，他說：「今日啲戲服個個一樣咁貴，卡士亦冇分大細。我安排佢哋着同一樣衫，咁就冇話柄，亦都冇大細超啦！」
阿佘對於其他女演員穿上同樣戲服，她興奮地說：「梗係開心，咁安排非常好，我哋不嬲都冇分大細，因為拍戲係群體，成日俾人話不和真係唔好，其實我哋不嬲都冇嘢，重有傾有講。」
郭羨妮和向海嵐都強調大家平時有傾談，雖然兩人在劇中都不用上書齋，但她們也不介意陪阿佘穿上書生裝，郭羨妮更笑說：「我真係矇查查做咗學生，你哋咪可以寫我哋粉碎不和囉。」
此外，劉錦玲早前拍《絕世好爸》時指對手李子奇誤觸其胸部，李子奇亦有份拍《帝》劇，不過昨日李子奇以生病為由缺席拜神，劉錦玲說：「我唔清楚，亦都唔想回應，我喺呢套劇同佢會同場，希望大家可以和睦共處。」而監製鄺業生說：「我啱啱先收到佢病唔嚟，唔知係咪心病呢？」
採訪：駱華齡 攝影：何國豪