林志穎和齊芷瑤昨日出席在珠海舉辦的康巴斯方程式賽，原本謝霆鋒亦答應了出賽，但因為他要去荊州而缺席。林志穎兩場賽事都失準，得倒數第三，而齊芷瑤就成績不俗，兩場都得第三。
齊芷瑤昨日表示，她和謝霆鋒原來跟同一個師傅學車，她說：「霆鋒成日有上嚟秘密練車，我都聽佢提過今日會嚟，可能有事嚟唔到啦。我好鍾意賽車，但上年發生過交通意外之後都有啲驚，我𠵱家揸車唔會好似以前咁狼死，但賽車場點都會比公路安全。」
林志穎和記者做訪問期間，有人大叫他做「謝霆鋒」，小志死撐說：「我聽到佢叫吖，但唔係叫我，另外有個賽車手重似謝霆鋒吖！」
採訪、攝影：黃文成