早陣子，亞Mark曾經同大家提過，話平治嘅香港代理，繼推出新E-Class之後，響5月又會運嚟全新嘅CLK車系。近日，亞Mark收到消息，話代理嘅計劃有變，今趟唔會安排香港傳媒往澳門試車，而係響番本港進行，而日期則會係今個月中；預展新車嘅場地，亦無喺上次會展咁大型，皆因CLK屬房跑車款，接觸層面同普及性，唔會有E-Class咁全面嘛！至於預展日期，則會係今個月（5月）嘅18日，地點係平治響銅鑼灣嘅Showroom進行。屆時車迷重可以一次過，睇晒三款CLK嘅新型號，包括CLK240、CLK320同CLK500型號嘛！係平治Fans嘅你，到時就不妨去睇吓喇！