由五月一日起，CSL嘅月費就唔可以喺電訊盈科門市交喇！其實電盈嘅固網費都已經唔可以去CSL交，即係話電盈門市同CSL門市會正式獨立運作。好多讀者可能對兩個招牌有啲混亂，其實好簡單，電盈門市係賣科技產品例如電腦、室內用電話同固網服務；而CSL就賣有關流動通訊嘅嘢(包括One2free同1010)，大家明白冇？
大家有冇留意六大台都「咁啱」開始收番一百蚊出卡費，新世界重喺上個月尾，將最優惠月費改成$88/200+200分鐘和$118/600+600分鐘，附加功能就得番來電顯示同來電待接，要飛線就加$28，要留言信箱就再加$25，計埋食硬你嘅$10隧道費，一個月都唔嘢少㗎！
而一向較高檔嘅CSL就反而出咗兩個月費：$98/200+200分鐘同$118/300+200分鐘，除咗留言信箱外包晒其他增值服務，一年合約就梗要啦！明天就截止申請啦！