溫碧霞（Irene）昨日穿上露肩連身短裙，與王喜、方中信等出席在尖沙嘴海運大廈露天廣場舉行的「我信王喜，保護遺棄動物協會慈善義賣」活動。
Irene被問到可曾與前港姐楊婉儀一樣遭電話騷擾時，她說：「好討厭，一直以來有一個男人經常喺半夜三更打電話畀我，重發出啲好核突嘅聲音，有時重講埋啲鹹濕嘢，好恐怖，我好驚，又唔敢鬧佢，又查唔到佢係邊個，所以冇報警。好彩自從我結咗婚後，嗰個人就冇再打嚟，可能因為我𠵱家一到半夜十二點就熄電話有關。」
此外，未知是否因天氣太熱或是義賣物品價錢超過二百元太貴關係，昨日就算王喜落力推銷，都只得幾個途人購買。
採訪、攝影：甘比