東亞銀行主席李國寶噚日繼續佢喺漢城嘅行程，參加一個研討會，見到啲銀行界朋友就不斷咁social，重特登喺研討會完結後，親自送中國銀行行長劉明康離開會場。八方見到李生當然把握機會想佢講吓佢嘅私生活，李國寶即刻話：「唔講嘢。今日唔講，聽日唔講，後日都唔會講。」
八方噚日喺漢城都見到新加坡內閣資政李光耀，佢都係嚟出席李國寶參加嗰個研討會，李光耀負責講亞洲太平洋地區嘅經濟展望。話時話，呢個研討會講全球政經大勢，但係一個港府高層都冇邀請到，反而搵咗李光耀講亞太區經濟，唔知對特區政府有冇啲乜嘢暗示呢？
﹙圖﹚在漢城出席研討會的李國寶（右），昨送中國銀行行長劉明康（左）離開會場。
E-mail：