利時當年就係以APE猿人帶起個場，今日經濟喺超低迷情況下，又有猿人出現於尖沙嘴一帶，未知會否再現神話，將超級死場運通帶旺，但呢間專賣裏原宿貨品的舖頭，背後大有來頭，除了明碼實價賣到最新潮流貨品之外，正是本地網上出名的Ape網站fly.to/ape，將其事業由虛擬網上至商場店舖中，而且重首創可以先用Paypal找數然後取貨，果然係網上人，開舖都識得搞小噱頭。
記者、攝影：馮彥彰
今時今日開店舖，除了要夠貨賣外，最緊要係要講吓裝修同埋噱頭。ConceptShop除可以喺網上買嘢入嚟取貨外，間舖裝修都放咗唔少心機，全白色間隔係水貨裏原宿店嘅指定動作，但貴在裝飾及各小擺設，分分鐘同店入面嘅高價貨互相輝映。
呢兩位人其實有真名的：一位係Simon、另一位係Kelvin，兩年前開了個人網頁（fly.to/ape），專講APE及潮流。及後在其站內有小量貨品賣，且愈開愈大，終於兩年後獨自開店，而網上服務仍運作，收錢自然用Paypal，開了地舖後，Paypal一樣照收，無論間舖帶唔帶得起運通，都可以證明一樣事實，網上做零售其實可行，你有你話科網爆破，有為的年輕人一樣可以以此為生。
ConceptShop以賣裏原宿貨品為主，BathingApe、GoodEnough、BountyHunter、UnderCover等都不難買到，而別注及限定版都貨源充足，加上店主們都係網中人，日本潮流及香港人又鍾意喺網上發表意見，第一手資料全部收到。
勁炒裏原宿Tee
Nowhere9周年Tee
不知不覺間，南青山的Nowhere已成立9個年頭，別注Tee才到港，全棉質料，買一件少一件，入貨要快。售價：$880。
有上開網的朋友都知，網上買嘢可以用一間叫Paypal的公司付款，Paypal其實係一間專係交收款項公司，方便之處係只要有信用卡同Email就可以付款及收款，並聲稱不論在世界任何角落，只要上到網都可以交收款項。Ebay的交易大量增加，Paypal就是乘勢冒起，廣泛成為ebayer最愛使用的付款方法。作為買賣雙方第3者，喺網上買嘢，另一保障就當你付錢後，賣家冇畀貨時，錢係唔會過數的。詳情可見：
小配件
鞋