中華廚藝學院前日邀得太史蛇羹創始人江太史孫女江獻珠講入廚心得，八方同一班老友初時以為可以一嘗蛇羹嘅滋味，雖然願望落空，但江太史後人果然有番兩度，齋講嘢都津津有味。
聽落先知，原來有名嘅「南海十三郎」就係江太史個仔，即江女士叔父，江女士話，雖出身飲食世家，食慣珍饈百味，但家規甚嚴，孩童時代根本唔准踏足廚房半步，所以無法偷師，直到四十歲嗰陣，因為母親癌病胃口全失，佢才開始入廚，希望煮啲好嘢畀母親食，結果廚藝愈煮愈精。
另外一個講者甄文達就鼓勵現場學生，話大廚係非常有地位嘅專業，唔係廚房佬；所謂行行出狀元，尤其中國人民以食為天，懂得廚藝，聲價百倍。
﹙圖﹚江獻珠（左）出身於顯赫飲食家族，是江太史的孫女，應中華廚藝學院之邀講入廚心得，右為她的老公陳天機。
E-mail：