全國政協李秀恒抄襲事件愈搞愈大，因為李政協唔肯大大方方向原作者道歉，搞到被抄者之一的城大學者李少民大動肝火，喺網上撰文公開批評香港學術界道德水平低落。
事緣李秀恒所著的《二十一世紀中國市場》，涉嫌抄襲由何小鋒、游漢明與李少民合著的《中國的改革與工商經營》。李少民喺文章大爆，李秀恒涉嫌抄襲的事件不止一宗，尚有其他三宗。而最令他勞氣的是有學者竟為李秀恒開脫，指對方作為商人，只是無心之失。
不過，政府官員又真係後知後覺，八方前日見到民政事務局副局長關永華，問到李秀恒涉嫌抄襲，青年事務委員會三月重再委任李秀恒做委員，唔怕教壞細路？關局長竟然話未聽過件事，唔方便評論。其實，幫李秀恒出書嘅三聯已於李獲委任前數周，回收所有書籍，唔知關局長真唔知定扮唔知呢？
﹙圖﹚李秀恒抄襲事件愈搞愈大，他至今仍未肯向原作者道歉。
E-mail：