又到每個星期的超市入貨時間，今次小記為大家預先到惠康作過調查，發現到全線特價的精選貨品，除了價錢吸引，重有好多贈品送，好似買油米麵有即食麵送，買洗頭水又有袋送，連買醬油都有米送。橫豎日用品點都要長期用，當然買完又有多啲贈品送就更着數。另外，也有一些無送贈品但價錢減得較多的貨品都值得入貨。
記者：謝翠玲
攝影：陳智良
Model：Teresa
髮質是乾性的朋友，頭髮乾旱之餘，頭皮又因為太乾而會產生頭皮屑，搞到唔知要點護理好。這隻飄柔的去頭皮洗頭水便最啱用，因為佢加添咗深層焗油成份，加倍護理乾性髮質。而𠵱家買大支1000毫升裝的更加有多個同支洗頭水同價的精美多用途袋送。洗頭水是日常必用品，都唔怕買大支啲。
售價：$69.9/支
（送原價$69.9多用途袋）
講到開門七件事，除了米，便要算油的消耗最快。所以最好趁有特價時便入定多啲貨。好多人都鍾意食花生油多啲，因為味道比較香。而刀嘜花生油有特別優惠，買三送一，特價$68.8便買到四支900毫升裝的花生油，更有一個花形的精美密實盒作贈品。
原價：$83.2/四支
特價：$68.8/四支
醬油是每餐必備的調味品，無咗佢真係唔成事。𠵱家買大支裝的美極醬油兩支裝，更多送一包金象牌珍珠米。珍珠米飯味香又圓圓的很有質感，都好多人鍾意食。而呢包珍珠米都唔算細，有成一公斤。如果是較少在家煮飯的朋友，分分鐘唔使另外買米都夠食好耐。
售價：$21.9/2支裝
（送1公斤珍珠米）
去旅行時總要買定啲大支裝的清水，現在Bonaqua的礦物質水推出了特惠裝，兩支1.5公斤大支裝再加一支330毫升的細支裝，加埋十蚊都唔使，認真抵買。
售價：$9.9/套
2支1.5公升及1支330毫升
本周五、六、日有特別優惠，買滿$30的米、油、麵貨品，便可免費獲贈四包四洲紫菜湯麵，每包麵原價要成$2.4/包，現在買其他必需品就連買即食麵錢都可以慳。
XO醬材料名貴，售價也一向偏高，最適宜便是在有特價的時間買定多幾樽，可以擺耐啲。李錦記推出的精美禮盒裝，內有一樽80克的XO醬，更附送一隻不銹鋼茶匙。現在更有特價，當然要入定多幾樽。
原價：$53.9/盒
特價：$33.8/盒
子母奶類產品大家都很熟悉，除了小朋友，其實大人，特別是婦女和老人也應該多飲奶來補充鈣質。這隻大裝的子母鈣美健高鈣奶粉，一罐有成1800克，特別加入了更多的鈣質和鎂質，多飲可加強骨骼健康。現在特價更可平近三十蚊。
原價：$129/罐
特價：$99.9/罐
公仔出品的碗裝伊麵現正做特價，四種口味的即食碗麵買四碗只要十元。平日每碗要$3.5，現在平均只要$2.5，更加抵食，最啱買來看門口。伊麵有四種口味：紅燒牛肉、海鮮、黑椒雞肉和七味辣菜。
原價：$3.5/碗
特價：$10/4碗
泰國米是日常最普遍食用的米之一，飯味和質地都頗適合香港人食用。日日在家煮飯的家庭，食米都會去得幾快，所以不妨趁有特價便定多兩包。這隻泰國的好運牌香米，每包五公斤，經真空處理。足足比平日平了十三蚊。
原價：$42.9/包
特價：$29.9/包
夏天水果紅毛丹，味道清甜，但售價都有點貴，趁特價去買會抵食啲。現在紅毛丹就正好有特價，原價$14.5/磅，特價就賣$9.9/磅，紅毛丹都唔算重秤，買一盒都唔貴，都幾抵食。
原價：$14.5/磅
特價：$9.9/磅
世界盃重有唔夠一個月就到，男人睇波最鍾意呼朋喚友到家中一齊睇，現在趁世界盃未開始，便要作好準備，入定啲必備品。必不可少的啤酒價錢唔平，而𠵱家喜力這受歡迎牌子更有大特價，十二罐裝平了三十幾蚊，小數怕長計，多買便會慳唔少。
原價：$118.8/12罐
特價：$85/12罐
夏天食瓜果便最消暑清熱，成日食西瓜，也可轉轉口味，試吓食皺皮瓜。皺皮瓜一個都要成二十多元，而啱啱現正有特價，正好可以買個回家試吓啱唔啱口味。皺皮瓜肉質爽脆，但無西瓜咁多汁，更可用來做沙律。
原價：$26.9/個
特價：$19.9/個