為無限美洗髮水拍廣告的郭富城昨日在銅鑼灣出席「因愛之名．無限美發佈會」，廣告女角黃寶瑤（Debbie）亦有到場，城城送了一條粉藍色披肩給Debbie。Debbie則大讚城城說：「佢喺廣告入面做髮型師幫我洗頭，洗得好舒服，佢眼神好charming（迷人），又教我跳舞演戲，我都鍾意呢類男仔。」
城城亦大讚Debbie說：「呢類參加選美嘅女仔都好乖，有內涵又水準高。」至於是否適合做女友，城城則說：「好敏感呀，我邊有咁好福氣呀。不過我咁勤力、熱愛工作嘅男仔梗有女仔垂青，有人欣賞我，就好欣慰，但好抱歉，我現時以工作為重。」
提到唐季禮開拍《岳飛》，表示因語言問題飛起城城，城城昨謂祝福唐季禮開拍成功及有好票房，他說：「我郭富城接受任何人嘅批評。」
採訪：李珮洳
攝影：羅德光