最近行街經過西洋菜街，兆萬至百老匯戲院一帶，好易撞到班後生仔飄來飄去，以為佢哋踩緊板，望吓佢哋隻腳又乜都冇踩住，重有少少離地，心諗唔係咁邪？
經功夫L解釋，原來佢哋玩緊新興嘅滑板鞋，個轆收埋喺鞋底，唔易察覺，但速度拍得住傳統RollerBlade。原來兆萬新開咗間專門店，所以集中咗大班人喺附近玩。
跟功夫L上去專門店八卦吓，確係人頭湧湧，除後生仔外，細路都係主要客人，相信發展成早兩年嘅板車熱並唔困難。
不過功夫L話太紅未必係好事，好似之前板車熱，太過高調，好快引來翻版商垂涎，𠵱家啲翻版板車羅湖商業城都未賣完，正版更唔知去咗邊？學功夫L話齋，做生意都係低調好，所以佢成日鬧恭夫輝，出咗本《FulltimeeBayer》，只賣60零蚊，教人上eBay搵食，最近即多咗班只得十零個Feedback冇乜信譽嘅香港eBayseller。
主持人：大食Jack
八卦熱報：