踏入夏季，豐胸產品商紛紛找來一班女藝人以性感造型出擊作招徠，據知陳妙瑛今年會以平胸影后吳君如作秘密武器，任豐胸代言人，將她的上圍由31A變成33B。
自從吳君如由肥妹仔變為苗條淑女後，上圍只有31A。據知最近陳妙瑛睇中君如的平胸「優點」，向豐胸的最高難度挑戰，邀請君如為她旗下產品「LF完美女人系列」任代言人，君如既可得七位數字酬勞，更可乘機豐胸兩吋兼提升一cup。
據知陳妙瑛要將平胸君如變為擁有33B的有料影后，而已豐胸成功的老闆陳妙瑛則繼續親身上陣，跟搖身一變為波濤洶湧的君如以雙妹嘜姿態出擊。
豐胸代言人都離不開穿性感三點式泳衣示人，據知君如若豐胸成功，更可能仿效其男友陳可辛執導的三級電影《晚孃》中鍾麗緹的性感海報造型，衝破性感極限。
若君如豐胸成功，最大受惠者豈非其男友陳可辛？記者前日就此事致電陳可辛，但他竟對女友豐胸一事懵然不知。
身在外地的陳可辛說：「乜佢做豐胸代言人咩？我唔知喎！」問他是否喜歡女友胸部變大？他大笑着說：「冇所謂，有人搵佢豐胸咪恭喜佢囉。」
記者前日致電向吳君如求證，但她不置可否地說：「你問陳妙瑛啦。」
其後記者聯絡上陳妙瑛，但她卻對以吳君如作秘密武器一事不欲多談，她說：「代言人嘅事重未落實，所以暫時答唔到你。總之我同幾個人都傾過，君如係其中之一。」
採訪：盧雪琪