李嘉欣、馮德倫、杜德偉（Alex）及關秀媚等一眾《豬扒大聯盟》演員，昨日出席新城節目《一個靚墟》訪問，為新戲宣傳。
李嘉欣透露在《豬扒大聯盟》一片中，她會扮演一名頭髮呈現「地中海」的女士，而陳小春則和她一對，李嘉欣說：「有次我唔記得咗自己冇落妝，去廁所喺塊鏡度見到自己地中海，嚇咗一跳！」
早前馮德倫與嘉禾高層杜惠東女兒杜如風食飯而傳出緋聞，對此馮德倫表示毋須作任何解釋，至於緋聞女友莫文蔚指陳奕迅（Eason）是單春，他搞笑地說：「佢（指莫文蔚）講得唔係咁啱，Eason唔係單春，起碼都有粒半啦！」
採訪：陳梅香
攝影：仇志德